Acronym-7 (CODA)

 

Coda ဆိုတဲ့ ဝေါဟာရဟာ child of deaf adults ကို အတိုကောက်ခေါ်တာဖြစ်ပါတယ်။ နားမကြားသူ မိဘတွေရဲ့ သား/သမီး ၉၀% လောက်ဟာ အကြားအာရုံချွတ်ယွင်းမှု မရှိကြပါဘူး။ ဒါကြောင့် နားမကြားသူ မိဘတွေဟာ သူတို့ရဲ့ ကလေးငယ်တွေကို ပြုစုပျိုးတောင်ရာမှာ စိန်ခေါ်မှုများစွာ ရင်ဆိုင်ရပါတယ်။ အထူးသဖြင့် ဘာသာစကား သင်ကြားတဲ့အချိန်မှာပါ။ ဒါ့အပြင် လူမှုဘဝရှင်သန်ရေးမှာလည်း အခက်အခဲများစွာ ရင်ဆိုင်ကြရပါတယ်။ အဲဒီကလေးတွေကို CODA လို့ခေါပြီး အဲဒီဝေါဟာရကို အမေရိကန်နိုင်ငံသား Millie Brother ဆိုသူက ဖန်တီးခဲ့တာပါ။ 

Millie Brother ဟာ အဲဒီကလေးတွေကို ကူညီဖို့အတွက် အဖွဲ့အစည်းတစ်ရပ်ကို ၁၉၈၃ ခုနှစ်မှာ ထူထောင်ခဲ့ပြီး အဖွဲ့နာမည်ကိုလည်း CODA လို့ ပေးခဲ့ပါတယ်။  CODA အဖွဲ့အစည်းဟာ ဆွေးနွေးပွဲတွေ ကို ဦးဆောင်ကျင်းပလေ့ရှိပြီး နားမကြားတဲ့ အုပ်ထိန်းသူနဲ့ ပုံမှန်ကလေးတွေကြားက အခက်အခဲ၊ ပဋိပက္ခ စတာတွေကို လူမှုအသိုင်းအဝိုင်းက သတိပြုမိလာအောင်၊ စာနာတတ်လာအောင်၊ ကူညီဖေးမတတ်လာအောင် အားထုတ် လှုံ့ဆော်ပေးပါတယ်။ ဒါ့အပြင် coda တွေရဲ့ ပညာသင်ကြားမှုဆိုင်ရာ၊ လှုမှုဘဝရပ်တည်မှုဆိုင်ရာ ကိစ္စတွေမှာလည်း အထောက်အပံ့များစွာ ဖန်တီးပေးပါတယ်။ တကယ်တမ်းမှာတော့ ဘာချွတ်ယွင်းမှုမှမရှိတဲ့ coda လေးတွေဟာ အများသူငါလို ရှင်သန်ကြီးပြင်းခွင့်ရှိပြီး အဲဒီလိုကြီးပြင်းခွင့်ရအောင် ဖန်တီးပေးဖို့ကလည်း လူမှုဝန်းကျင်ရဲ့ ဝတ္တရားတစ်ရပ်ပါပဲ။