Grammar

 

'Do you mind' & 'Would you mind'

ဒီနှစ်ခုကိုဘယ်လိုနေရာတွေမှာသုံးလဲဆိုရင် ကိုယ်ကတစ်ခုခုကိုလုပ်ချင်တယ်လို့ခွင့်ပြုချက်လိုချင်တဲ့အခါမျိုး၊အကူအညီတောင်းတဲ့အခါမျိုးမှာသုံးလို့ရပါတယ်။ 

သူ့ရဲ့အဓိပ္ပာယ်က "Is it a problem?" ဆိုတာမျိုးပါ။ မြန်မာလိုဆိုရင်တော့ "အနှောင့်အယှက်များဖြစ်သွားမလား/အဆင်မပြေဖြစ်သွားမလား/စိတ်ဆိုးသွားမလား" ဆိုတဲ့အဓိပ္ပာယ်မျိုးသက်ရောက်ပါတယ်။ 

ဥပမာ - "Do you mind if I turn off the camera?" ဆိုရင် "ကျွန်ုပ်ကင်မရာကိုပိတ်ထားမယ်ဆိုရင်အဆင်မပြေဖြစ်နေမလား" ဆိုတာမျိုးဖြစ်ပါတယ်။

- "Would you mind if I borrowed some money?" ဆိုရင် "ငါနင့်ဆီကပိုက်ဆံချေးမယ်ဆိုရင်နင်အဆင်မပြေဖြစ်သွားမလား၊အနှောင့်အယှက်ဖြစ်သွားမလား..." အစရှိသဖြင့်ပေါ့နော်။

ဒီမှာတစ်ခုသတိထားရမှာက သူတို့နှစ်ခုနောက်ကလိုက်မယ့် tense ပါ။ "Do you mind if I...?" နောက်ကဆိုရင် 'Simple present tense' လိုက်ပြီး‌တော့ "Would you mind if I...?" နောက်က 'Simple past tense' လိုက်ပါတယ်။ အဲ့ဒါလေးကိုသတိထားရမှာပါ။ အပေါ်က ဥပမာတွေမှာလိုမျိုးပါ။

ပြီးတော့ ကိုယ့်ကိုတစ်ယောက်ယောက်ကအဲ့လိုမျိုးမေးလာခဲ့မယ်ဆိုရင် ကိုယ်ကဖြေတဲ့အခါမှာ 'Yes' လို့ဖြေလို့မရပါဘူး 'No' လို့ဖြေရမှာပါ၊အကယ်၍ကိုယ်က သူအကူအညီတောင်းတာကိုမလုပ်ပေးနိုင်ဘူးဆိုရင်တော့ 'Yes' လို့ဖြေလို့ရပါတယ်။ သူရဲ့အဓိပ္ပာယ်က အဆင်မပြေဖြစ်သွားမလားဆိုတာမျိုးကြောင့်ကိုယ်ကအဆင်ပြေတယ်ဆိုရင် အနှောင့်အယှက်မဖြစ်ပါဘူး 'No' ဆိုတာမျိုးဖြေပေးရမှာပါ။

"Would you mind if I borrowed some money?" 

"No/not at all. How much do you want?" ဆိုပြီးအဲ့လိုမျိုးလေးဖြေပေးလို့ရပါတယ်။ 

ဒီနှစ်ခုထဲမှာ "Would you mind" ကပိုပြီးယဉ်ကျေးတဲ့အသုံးအနှုန်းဖြစ်လို့ ကိုယ့်ထက်အကြီးတွေကိုပြောမယ်ဆိုရင် "Would you mind" ကိုသုံးပြီးပြောတာပိုအဆင်ပြေမှာပါ။

စာကတအားရှည်သွားပြီထင်လို့ အတိုချုံးလေးရေးပေးပါ့မယ်😁

📌"Do you mind" & "Would you mind" mean "Is it a problem?"

📌When we respond, we say 'No'

📌We use 'Present simple tense' after "Do you mind if I...?"

📌We use 'Past simple tense' after " Would you mind if I...?"

📌"Would you mind if I...?" is more polite.