Tom Cruise

 

မင်းသားကြီး Tom Cruise ရဲ့ စတန့်တွေအကြောင်း

F-1  ပြိုင်ကားမောင်းတယ်

.

Racing  ဆိုင်ကယ်စီးနိုင်တယ် 

.

Sky Diving  လုပ်နိုင်တယ်

.

​ရေ​အောက်မှာ  အချိန်ကြာအသက်​အောင့်​နေနိုင်​အောင်​လေ့ကျင့်တယ် 

.

ရဟတ်ယာဥ်​ ၊  ​​လေယာဥ်မောင်းနိုင်တယ် 

.

စစ်လက်နက်ပစ္စည်း​တွေကို  ကျွမ်းကျွမ်ကျင်ကျင်ကိုင်တွယ်  ပစ်ခတ်နိုင်ရုံမက 

US Navy  ရဲ့  F-18  တိုက်​လေယာဥ်​ကိုပါ​မောင်းနှင်နိုင်တယ်။ 

.

စတန့်ဇာတ်ဝင်ခန်း​တွေမှာ  လူစားမထိုးပဲကိုယ်တိုင်သရုပ်​ဆောင်တယ်

.

အက်ရှင်ရုပ်ရှင်​တွေမှာသာမက  ဒရမ်မာရုပ်ရှင်​တွေကိုပါ  ပိုင်နိုင်စွာသရုပ်​ဆောင်နိုင်တယ်

.

အသက်အန္တရာယ်ကြီးတဲ့  အမှန်တကယ်​ပေါက်ကွဲမှုဖြစ်ပွားတဲ့  

ရုပ်ရှင်ဇာတ်ဝင်ခန်း​တွေမှာ  ကိုယ်တိုင်သရုပ်​ဆောင်တယ် ။ 

.

ဒီလူမလုပ်တတ်တာ  ဘာရှိ​သေးလဲလို့  ​မေးရ​လောက်​အောင်  ထူးချွန်တာက​တော့  

​ဟောလိဝုဒ်ရဲ့  မက်ဂါစတား  Tom Cruise  ပါပဲ ။ 

.

တွမ်ခရုစ်ဟာ  ​

.

Mission Impossible - Fallout မှာ  ​​မောင်း​နေတဲ့ရဟတ်ယာဥ်​ပေါ်တွယ်တက်တယ် ၊

ပြီး​တော့  ရဟတ်ယာဥ်ကို  ကိုယ်တိုင်​မောင်းတဲ့အပြင်  ဆိုင်ကယ်နဲ့ကားတိုက်တဲ့အခန်းမှာလည်း

ဆိုင်ကယ်​ပေါ်ကလွင့်ထွက်သွားတဲ့အခန်းကို  ကိုယ်တိုင်သရုပ်​ဆောင်တယ်။ 

ဒါ့အပြင်  တိုက်​ခေါင်မိုးတခုက​နေတခုကို  ခုန်ကူးတဲ့ဇာတ်ဝင်ခန်းကို  ကိုယ်တိုင်သရုပ်​ဆောင်ချိန်

မှာ  ​​ခြေချင်းဝတ်ကျိုးတဲ့  ဒဏ်ရာရ​ပေမယ့် ဟန်မပျက်ဆက်လက်သရုပ်​ဆောင်သွားခဲ့တယ်။

ဒါတင်မက​သေးဘူး  သူလိုချင်တဲ့ကင်မရာရှု့​ထောင့်  ရဖို့အတွက်  အမြင့်​ပေ  ၂၅၀၀၀  မှာ

ပျံသန်း​နေတဲ့​လေယာဥ်​ပေါ်က​နေ  Halo Jump  အကြိမ်​ရေ  ၅၀၀ ခန့်​လေ့ကျင့်ပြုလုပ်ပြီး

ရိုက်ကူးခဲ့ပါတယ် ။  ဒီဇာတ်ဝင်ခန်းဟာ  ညဖက်မှာရိုက်ရမှာဖြစ်တာ​ကြောင့်  ရိုက်ကူး​ရေးအဖွဲ့

ဟာ  ​မနက်​နေမထွက်ခင်မှာ  ​လေယာဥ်​ပေါ်ကခုန်ချတဲ့  Halo Jump ကို​နေ့စဥ်​လေ့ကျင့်ပြီး

ရိုက်ကူးရတယ်လို့ဆိုပါတယ်။  MI - Fallout  ဟာအက်ရှင်​တွေ​ရော ၊ ဇာတ်လမ်းပါအ​တော်​လေး

အဆင့်မြင့်ပြီး  ​ကောင်းမွန်တာ​ကြောင့်  မကြည့်ရ​သေးရင်ကြည့်ကြပါဦး ။ 

.

MI - 2 မှာ  မီတာ ၂၀၀၀ မြင့်တဲ့ ​ချောက်ကမ်းပါး​ပေါ်တွယ်တက်တာကို  ကိုယ်တိုင်လုပ်တဲ့အပြင်

ရန်သူနဲ့တိုက်ခိုက်တဲ့အခန်းမှာ  ရန်သူ့ဓါးဟာတွမ်ရဲ့မျက်လုံးကိုထိုးစိုက်ဖို့  လက်မဝက် (Half Inch)

​လောက်အလိုအထိ  အန္တရာယ်များတဲ့ဇာတ်ဝင်ခန်းကို  ကိုယ်တိုင်သရုပ်​ဆောင်ခဲ့ပါတယ်။ 

ဒါရိုက်တာဂျွန်ဝူးရဲ့​ပြောပုံအရ  အချိန်အဆအနည်းငယ်​လောက်လွဲသွားတာနဲ့  တွမ်ဟာသူ့ရဲ့မျက်လုံး

တဖက်ကို  ဆုံးရှုံးရ​လောက်​အောင်အထိ  အန္တရာယ်ရှိခဲ့တယ်လို့ဆိုပါတယ်။ 

​နောက်ပြီး  မျက်နှာကျက်​ပေါ်က​နေကြိုးနဲ့တွဲ​လောင်းကျတဲ့ဇာတ်ဝင်ခန်းမှာလည်း  

လူစားမထိုးပဲ  ကိုယ်တိုင်သရုပ်​ဆောင်ပါသတဲ့ဗျာ ။  John Woo ရိုက်ကူးတဲ့  MI - 2 ဟာ 

သူ့​ခေတ်သူ့အခါ​​တော့  အ​တော်​ကောင်းတဲ့  အက်ရှင်ကားဖြစ်ခဲ့ပါတယ် ။ 

.

The Last Samurai  ရုပ်ရှင်မှာလည်း  ရိုက်ကွင်းအမှားအယွင်းတခု​ကြောင့်  

တွမ်ခရုစ်ရဲ့လည်ပင်းပြတ်နုနီးပါးအထိ  အသည်းယားစရာဖြစ်ရပ်ဖြစ်ခဲ့ပါတယ်တဲ့ ။

ဒီမ​တော်တဆမှုကိုမြင်ရတဲ့  ရိုက်ကွင်းကလူ​တွေက​တော့  တွမ်ခရုစ်​ခေါင်းပြတ်ပြီ

လို့​တောင်ထင်ကြလို့  ​အလန့်တကြားအော်ဟစ်ခဲ့ကြပါ​သေးတယ်လို့  တွဲဖက်သရုပ်​ဆောင်

Hiroyuki Sanada  က​ပြောခဲ့ပါတယ်။  တွမ်ခရုစ်ဟာ ဒီရုပ်ရှင်အတွက်  တရက်ကို  ၅ နာရီနဲ့

တနှစ်ကြာတဲ့အထိ  ဓါးနဲ့တိုက်ခိုက်​ရေး​လေ့ကျင့်ခန်း​တွေကို  ​လေ့ကျင့်ခဲ့တယ်လို့ဆိုပါတယ်။

ဒါတင်မက​သေးဘူး  ​ရှစ်လအတွင်းမှာ  ဂျပန်ဆာမူရိုင်း​တွေရဲ့  အမူအကျင့်နဲ့  ဓ​လေ့ထုံးစံ​တွေ ၊

အခြား​သော  ကိုယ်ခံပညာ​တွေကိုပါ  ​လေ့ကျင့်ခဲ့တယ်လို့ဆိုပါတယ် ။

The Last Samurai  ရုပ်ရှင်ဟာ  တကယ်​ကောင်းမွန်တဲ့ရုပ်ရှင်ဖြစ်တာမို့  မကြည့်ရ​သေးသူ​တွေ

ကြည့်လိုက်ကြပါဦး ။  ပြီးရင်တွမ်ခရုစ်ရဲ့  သရုပ်​ဆောင်ပညာနဲ့  လူစားမထိုး​ပဲဓါးနဲ့တိုက်ခိုက်တဲ့

ဇာတ်ဝင်ခန်း​တွေကို  အရသာရှိရှိကြည့်လိုက်ကြပါ။ 

.

သာမန်လူတ​ယောက်အဖို့  ​ရေ​အောက်မှာအသက်မရှုပဲ​  အသက်​အောင့်​နေနိုင်တာ  ဘယ်​လောက်

ကြာကြာ​နေနိုင်မပါ့မလဲဟင် ။  တချို့က​တော့  သာမန်လူတ​ယောက်ဟာ  စက္ကန့် ၃၀ ​လောက်သာ

အသက်​အောင့်နိုင်တယ်လို့ဆိုကြပါတယ် ။ အချို့လူ​တွေက​တော့  မိနစ်ပိုင်းအထိ  အသက်​အောင့်နိုင်

ပါလိမ့်မယ် ။  အချို့သရုပ်​ဆောင်​တွေရဲ့  ​ရေ​ငုပ်ဇာတ်ဝင်ခန်း​တွေမှာ  ၁၀ စက္ကန့်​လောက်သာ ​

အသက်​ရှုအောင့်​ရေငုပ်နိုင်ပြီး  production  မှာ  Edit  ပြန်လုပ်ကြတာဖြစ်ပါတယ် ။   

တွမ်ခရုစ်က​တော့  ၆ မိနစ်ခွဲ  အထိအသက်​အောင်နိုင်ပါသတဲ့ ။  

ဟုတ်ပါတယ် Mission Impossible  - Rouge Nation  ရဲ့ဇာတ်ဝင်ခန်းတခုမှာ  

တွမ်ခရုစ်ဟာ  ၆ မိနစ်ကျော်အထိအသက်​အောင့်ပြီး  ဒီဇာတ်ဝင်ခန်းကိုရိုက်ကူးခဲ့ပါတယ် ။  

ဒီဇာတ်ဝင်ခန်းကို  မရိုက်ကူးခင်မှာတွမ်ဟာ  ကြာရှည်အသက်​အောင့်နိုင်ဖို့ရေ​အောက်​လေ့ကျင့်ရေး 

နည်းပြသမား​တွေနဲ့  အကြိမ်​ပေါင်းများစွာ​လေ့ကျင့်ခဲ့ရသလို  အစပိုင်း​တွေမှာ

သတိလစ်တဲ့အထိ  ပြင်းပြင်းထန်ထန်​လေ့ကျင်တယ်လို့ဆိုကြပါတယ် ။ 

ဒီဇာတ်ဝင်ခန်းကို  ​ရေ​အနက်​ပေ  ၂၀  ​ကျော်  နက်တဲ့ဧရာမ​ရေကူးကန်ကြီးထဲမှာရိုက်ကူးခဲ့ပြီ

တွမ်ဟာ  တကယ်ကို  ၆ မိနစ်​ကျော်ကြာ​အောင်  အသက်ရှု​အောင်နိုင်ခဲ့တာဖြစ်ပါတယ်။ 

ဒီဘဲကြီးက​တော့  ဂြိုလ်သားကြီးလား  မသိ​တော့ပါဘူး ။ 

ဒါတင်မက​သေး  ဇာတ်ကားရဲ့အဖွင့်မှာ  ​ပြေးလမ်း​ပေါ်ကပျံတက်​နေတဲ့လေယာဥ်​ကို  

အပြင်ဘက်က​နေတွယ်တက်တာကလည်း  သူကိုယ်တိုင်တွယ်တက်ပြခဲ့တဲ့  ​ကျောချမ်းစရာ  

အမှန်အကန်ဇာတ်ဝင်ခန်းပါပဲ ။ ဒီဇာတ်ဝင်ခန်းကိုရိုက်ဖို့အတွက်  သူကိုယ်တိုင်​တော်​တော်​လေး

ပူပန်ခဲ့ရလို့  ရိုက်ကူး​ရေးမတိုင်ခင်ညမှာ  အိပ်လို့​တောင်မ​ပျော်ဘူးလို့ဆိုပါတယ် ။ ဒါ​ပေမယ့် 

​နောက်​နေ့မှာ​တော့  ​အောင်​အောင်မြင်မြင်နဲ့  ရိုက်ကူးပြီးစီးလို့  တွမ်ခရုစ်တ​​​ယောက်  သက်သာရာ

ရခဲ့ပါတယ်တဲ့ ။  မကြည့်ရသူ​တွေလည်း  MI - Rouge Nation  ကြည့်ပြီး

ဘဲကြီးတွမ်ခရုစ်ရဲ့  အမှန်အကန်စတန့်သရုပ်​ဆောင်မှု​တွေကို  အား​ပေးကြပါဦး။ .

.

ဒူဘိုင်းက  Khalifa Tower  ဆိုတာ  ကမ္ဘာ့အမြင့်ဆုံးအ​ဆောက်အဦး​တွေထဲက  တခုပါပဲ ။

ကမ္ဘာ့အမြင့်ဆုံးတာဝါ​​ပေါ်တက်ပြီး  အပြင်ထွက်ပြဖို့ဆိုတာ  အမြင့်​ကြောက်သူ​တွေအဖို့​တော့

​ကြောက်စရာအိမ်မက်ဆိုးပါပဲ ။  ဒါ​ပေမယ့်  တွမ်ခရုစ်က​တော့  ဒီတာဝါအ​ပေါ်ကိုတက် ၊  အပြင်

ထွက်ပြပြီး  ရုပ်ရှင်ရိုက်ကူးခဲ့ပါတယ် ။  Mission Impossible - Ghost Protocal မှာ  တွမ်

ဟာ  အသည်းတယားယား  ရင်တလှပ်လှပ်နဲ့ကြည့်ရတဲ့  ဇာတ်ဝင်ခန်းတခုကို  ဒီတာဝါမှာအမှန်

တကယ် သရုပ်​ဆောင်ပြီး  ရိုက်ကူးခဲ့ပါတယ် ။  ဒီဇာတ်ဝင်ခန်းဟာ  ဘယ်​လောက်  Tense  

ဖြစ်သလဲဆိုတာ  ကြည်ဖူးသူ​တွေသိကြပါလိမ့်မယ်။  ဒီဇာတ်ဝင်ခန်းကိုရိုက်ကူးဖို့  မဖြစ်နိုင်ဘူးလို့

ပါရာ​မောင့်ရုပ်ရှင်ရဲ့   Production  အဖွဲ့ကဆိုသတဲ့ ။  ဒါ​ကြောင့်တွမ်ဟာ  ဒီဇာတ်ဝင်ခန်းကိုဖြစ်​အောင်

ရိုက်နိုင်တဲ့  ထုတ်လုပ်​ရေးအဖွဲကိုသူ့ဘာသာရှာ​ဖွေပြီး  ရိုက်ကူးခဲ့ရပါတယ် ။ ဒီအဖွဲ့က  တွမ်လိုအပ်တဲ့

​ဘေးကင်း​ရေးအစီအစဥ်​တွေအကုန်လုံးလုပ်​ပေးပြီး  ရိုက်ကူးခဲ့ပါတယ် ။ ပထမအကြိမ်ရိုက်ကူးမှုမှာ 

တွမ်ခရုစ်ရဲ့​ခေါင်းနဲ့  အ​ဆောက်အဦးရိုက်မိပြီး  ရိုက်ကွင်းကိုဖျက်ရမလိုဖြစ်ခဲ့ပါ​သေးတယ်တဲ့ ။

ဒါ​ပေမယ့်  ဒုတိယ​မြောက်ရီဟာဇယ်မှာပဲ  ဒီဇာတ်ဝင်ခန်းကို​အောင်​အောင်မြင်မြင်နဲ့  ရိုက်ကူးနိုင်

ခဲ့ပါတယ် ။ ဒုတိယရီဟာဇယ်ကို  ​အောင်​အောင်မြင်မြင်နဲ့ရိုက်အပြီးမှာပဲ  ရိုက်ကူး​ရေးအဖွဲ့​တွေဟာ

တ​ယောက်မျက်နှာတ​ယောက်ကြည့်ပြီး  " ​သြော် .. ဒါ​ကြောင့်လည်းတွမ်ခရုစ်ရယ်လို့  နာမည်ကြီးတာကိုး "

ဆိုပြီး  မှတ်ချက်ချကြပါတယ်ဆိုတဲ့အ​ကြောင်းကို  Skydance ရဲ့  CEO  အယ်လီဆန်က  အမှတ်တရ

နဲ့​ပြောပြပါတယ် ။  မကြည့်ရ​သေးရင်  ကြည့်လိုက်ကြပါဦး​နော် ။  အဲဇာတ်ဝင်ခန်းဟာဘယ်​လောက်

Tense ဖြစ်တယ်ဆိုတာကို  ခံစားကြည့်ပါဦး ။ 

.

ဒါ​တွေတင်မက​သေးဘူး  ဂြိုလ်သားတွမ်ခရုစ်ဟာ  သူ့ရဲ့​နောက်ဆုံးထွက်ပြီး ရုံတင်ဝင်​ငွေ​ဒေါ်လာ တစ်ဘီလီယံ

​ကျော်ရထားတဲ့  Top  Gun - Maverick  မှာလည်း​လေယာဥ်ကို  အန္တရာယ်ဖြစ်​လောက်​အောင်  နိမ့်နိမ့်​လေး

ပျံသန်းပြခဲ့ပါတယ် ။  တွမ်ဟာ​မြေပြင်က​နေ  ​ပေ  ၃၀  အကွာက​နေနိမ့်ဆင်းပြီး  အမှန်တကယ်ပျံသန်းပြခဲ့ပါတယ် ။ 

ဒါကို  အ​မေရိကန်​ရေတပ်က  ​လေယာဥ်မှုး​တွေကပါ  တွမ်ကိုအသိအမှတ်ပြုချီးကျူးခဲ့ပါတယ် ။ 

ရုပ်ရှင်အများစုမှာ  ​သရုပ်​ဆောင်​တွေလေယာဥ်​မောင်းတာဟာ  အထူးပြုလုပ်ချက်​​တွေ  ၊  ဖြတ်ညှပ်ကပ်နဲ့

Edit  ​တွေလုပ်ကြ​ပေမယ့်  Top Gun - Maverick မှာ​တော့  တွမ်ကိုယ်တိုင်  အ​မေရိကန်​ရေတပ်ရဲ့  

F-18  ကို​မောင်းတယ် ။  ​လေယာဥ်ပျံသန်းတဲ့  ဇာတ်ဝင်ခန်း​တွေကို  ​လေယာဥ်ရဲ့  Cockpit  မှာကင်မရာဆင်ပြီး  

အမှန်တကယ်ကို  ရိုက်ကူးခဲ့ကြတာဖြစ်ပါတယ် ။  တွမ်ဟာ  အ​မေရိကန်ရဲ့​လေယာဥ်တင်သ​ဘော်​ပေါ်က​နေ  ​လေယာဥ်အတက်အဆင်းကို  အမှန်တကယ်ပြုလုပ်တဲ့  ပထမဦးဆုံး​သော  သရုပ်​ဆောင်လည်းဖြစ်လာပါသတဲ့ ။  

.

တွမ်ရဲ့  အခြား​သောရုပ်ရှင်​တွေဖြစ်တဲ့  Mummy မှာလည်း  ​ပေ ၂၅၀၀၀ က​နေ  ​လေယာဥ်ပျက်ကျပြီး 

Free Fall  ကျတဲ့ဇာတ်ဝင်ခန်းကို  အမှန်တကယ်  ခက်ခက်ခဲခဲရိုက်ကူးခဲ့ပါတယ် ။ ​လေယာဥ်ဟာ  ​လေထဲမှာ 

၂၂  စက္ကန့်အကြာအထိ  Free Fall  ကျ​နေခဲ့တယ်လို့ဆိုပါတယ် ။  

.

အခြား​သောရုပ်ရှင်တခုဖြစ်တဲ့  Edge Of Tomorrow မှာလည်း  ​၈၅ ​ပေါင်  ​လေးတဲ့  Suit  ကြီးကို

CGI  မသုံးပဲ  အမှန်တကယ်  ဝတ်ဆင်ပြီးရိုက်ကူးခဲ့တာပါ ။  ဒါကြီးဝတ်ရတာ  အဆင်မ​ပြေတဲ့အပြင်

စိတ်ပိုင်း​ရော ၊ ရုပ်ပိုင်းဆိုင်ရာပါ  အ​နှောက်အယှက်ဖြစ်တယ်လို့ဆို​ပေမယ့်  ပြီးစလွယ်မလုပ်တတ်တဲ့ 

တွမ်က​တော့  မငြီးမငြူပဲ  ဒီဝတ်စုံကြီးကိုဝတ်ပြီး  ဇာ်တလမ်းပြီးသည်အထိ  သရုပ်​ဆောင်ခဲ့ပါတယ်တဲ့ ။

၈၅  ​ပေါင်ဆိုတာ  နည်းတဲ့အ​လေးချိန်မဟုတ်ဘူး ။  ဒါကြီးလည်းဝတ်ရ​သေး  သရုပ်လည်း​ဆောင်ရ​သေး

ဆိုတာ  တွမ်လို ဂြိုလ်သားသရုပ်​ဆောင်မှသာ  လုပ်နိုင်ပါလိမ့်မယ်။ 

.

တွမ်ခရုစ်ရဲ့ ​နောက်ထွက်မယ့်ရုပ်ရှင်  Mission Impossible - 7 မှာလည်း  ဆိုင်ကယ်စီးတဲ့ဇာတ်ဝင်ခန်းအတွက်

ဆိုင်ကယ်စီး​ခြင်းကို  အကြိမ်​ပေါင်း  ၁၃၀၀၀ ​​လောက်လုပ်ထားတယ်ဆိုတပဲ ။  ​ထောင့်သုံးရာမဟုတ်ဘူး​နော် ။ 

တစ်​သောင်းသုံး​ထောင်​နော် ။  ​လေ့ကျင့်တဲ့အကြိမ်အ​ရေအတွက်ကို  ၁၃၀၀၀ ​လောက်လုပ်ထားတဲ့  စတန့်

​တွေကဘယ်လို​တွေလာဦးမယ်မသိဘူး ။ ရုပ်ရှင်​တော့မထွက်သေးပေမယ့်  ဒီသတင်းကြားတာနဲ့တင်

ပါးစပ်အ​ဟောင်းသားဖြစ်​နေပါပြီ ။  ကြည့်ဖို့လည်း  စိတ်အားသန်​နေပါပြီ ။ 

.

Tom Cruise  ဟာအက်ရှင်ဇာတ်ဝင်ခန်း​တွေကို  ပိုင်နိုင်သူဖြစ်ရုံသာမက  Drama ဇာတ်ရုပ်​တွေမှာလည်း 

ဆရာတဆူဖြစ်ပါတယ်ဆိုတာကို  သူ့ရဲ့  Rain Man တို့  Mongolia  တို့  Venila Sky  တို့ကိုကြည့်ရင်လည်း

သိနိုင်ပါတယ် ။  

.

ငယ်ငယ်ကတည်းက  ​လေတိုက်ခံ​နေရတဲ့သစ်ပင်အမြင့်ကြီး​တွေ​ပေါ်ကိုတက် ၊ 

အိမ်​ခေါင်မိုး​ပေါ်တက်စတဲ့စတန့်အကွက်​ပေါင်းစုံကို  ပြုလုပ်ခဲ့သူ  တွမ်ခရုစ်က​တော့ 

ငယ်ငယ်ကတည်းက  အရိုးကျိုးခြင်း ၊  သွားကျိုးခြင်းစတဲ့  ဒဏ်ရာအနာတရ​ပေါင်းစုံလည်း

ရခဲ့ဖူးပါတယ် ။ အခုချိန်မှာ​တော့  ​သူပါဝင်သရုပ်​ဆောင်ထုတ်လုပ်တဲ့ဟောလိဝုဒ်ရုပ်ရှင်​တွေရဲ့  

စတန့်ဇာတ်ဝင်ခန်း​တွေကို  ကိုယ်တိုင်သရုပ်​ဆောင်သူဖြစ်​နေပါပြီ ။ 

မကြာ​သေးခင်ကမှ  အသက် ၆၀  ပြည့်တဲ့  Tom Cruise က​တော့  ​ဟောလိဝုဒ်ရဲ့  မက်ဂါအက်ရှင်စတား

ကြီးပါပဲ ။  အသက်  ၆၀ မှအနားယူချိန်အထိ  စတန့်​တွေကို​ဘေးကင်းကင်းပြုလုပ်နိုင်ပါ​စေ​ကြောင်း

ဆန္ဒပြုပါတယ်