စာ

 

“အိမ်တစ်လုံးရဲ့တန်ဖိုး မသိကြသူများ”

~~~~

ကိုယ့်သွေး ကိုယ့်ချွေးနဲ့ ကြိုးစားပြီး

တည်ဆောက်ထားတဲ့ အိမ် မပိုင်ဖူးသူက

အိမ်တစ်လုံးရဲ့တန်ဖိုး ဘယ်သိပါ့မလည်း။

ပြည်သူ့ပိုင် မြေနေရာ လိုင်းခန်းမှာ

စစ်တပ်ပိုင်လုပ်ပြီး အသင့်နေလို့ရတဲ့သူတွေက

အိမ်တစ်လုံးရဲ့တန်ဖိုး ဘယ်သိပါ့မလည်း။

အိမ်တိုင်းအိမ်တိုင်းက

တချိန် နိုင်ငံအနာဂတ်ကလေးတွေရဲ့

အဖိုးအနဂ္ဃထိုက်တဲ့ အရိပ်ဆိုတာကို မသိတဲ့သူတွေက

အိမ်တစ်လုံးရဲ့တန်ဖိုး ဘယ်သိပါ့မလည်း။

ကိုယ့်အိမ် ကိုယ်တည်ဆောက်တတ်တဲ့

တိရစ္ဆာန်ပုရွက်ဆိတ်လောက်ကို 

ဦးနှောက်မရှိတဲ့သူတွေက

အိမ်တစ်လုံးရဲ့တန်ဖိုး ဘယ်သိပါ့မလည်း။

အရိုင်းဆုံး စကား ပြောရလျှင်

ခွေးခြေခုံနဲ့ ပြာပုံကို နတ်ပြည်အမှတ်နဲ့

အိပ်တဲ့ အရိုးကိုက်ခွေးလိုလူတွေက

အိမ်တစ်လုံးရဲ့တန်ဖိုး ဘယ်သိပါ့မလည်း။

လင်းစက်✍️