Movie Review

 

Stowaway

အာကာသပညာရှင် Marina, ဇီဝဗေဒပညာရှင် David နဲ့ ဆေးသု‌တေသနပညာရှင် Zoe တို့ဟာ Mars ဂြိုယ်မှာ ပြုလုပ်မယ့်သုတေသနစီမံကိန်းအတွက် 2 နှစ်ကြာအာကာသခရီးကို စတင်ခဲ့ကြပါတယ်။ အာကာသထဲကို ရောက်တဲ့အချိန်မှာ ယာဉ်ကို စစ်ဆေးရင်း စက်ခန်းတခုထဲမှာ သတိလစ်ပြီးပိတ်မိနေတဲ့ အင်ဂျင်နီယာ Michael ကို တွေ့လိုက်ရပါတယ်။ Michael ကို စက်ခန်းထဲကဆွဲထုတ်ရာမှာ ကာဗွန်ဒိုင်အောက်ဆိုဒ်သန့်စင်တဲ့စက်ဟာ ပျက်စီးသွားခဲ့ပါတယ်။ အာကာသထဲကို မမျှော်လင့်ဘဲ မတော်တဆရောက်ရှိလာခဲ့တဲ့ Michael ဟာ အလွန်တုန်လှုပ်သွားခဲ့ပါတယ်။ အာကာသယာဉ်ဟာ လူ ၄ ဦးကို သယ်ဆောင်ပြီး Mars ကိုအရောက်သွားဖို့ အောက်စီဂျင်မလုံလောက်ပါဘူး။ လူ ၃ ဦးအတွက်ပဲ ရည်ရွယ်တည်ဆောက်ထားခဲ့တာပါ။ ဒါကြောင့် လူတစ်ဦးကိုတော့ စတေးရမလိုဖြစ်နေပါတယ်။ သုတေသနအောင်မြင်ရေးကို ထည့်စဉ်းစားမယ်ဆိုရင်တော့ စတေးရမယ့်သူဟာ Michael ဖြစ်နေခဲ့ပါတယ်။ ပြဿနာကို ဖြေရှင်းဖို့ ၁၀ ရက်စောင့်ဖို့ တိုင်ပင်ထားခဲ့ကြပေမယ် ၃ ရက်မြောက်နေ့မှာပဲ David ဟာ Michael ကို အကြောင်းစုံဖွင့်ပြောပြီး ဝေဒနာမခံစားရဘဲ အသက်သေသွားစေမယ့် ထိုးဆေးကိုပေးလိုက်ပါတော့တယ်။ ကမ္ဘာကြီးကို မျှော်ငေးရင်း ငိုကြွေးနေတဲ့ Michael ကို Zoe က တွေ့သွားတဲ့အခါ

- Michael ဟာ သူကိုယ်သူ သတ်သေသွားသလား

- ပြဿနာကိုရော ပြေလည်အောင်ဖြေရှင်းနိုင်ခဲ့ကြသလား

- သူတို့ထဲက ဘယ်သူတွေက အသက်ရှင်သန်ခွင့်ရခဲ့ကြသလဲ

အသက်နဲ့ယှဉ်ပြီးရွေးချယ်ဖို့ကြုံလာတဲ့အခါ လူတစ်ဦးချင်းစီရဲ့ ဦးစားပေးစဉ်းစားပုံတွေဟာ ဘယ်လိုဖြစ်လာသလဲဆိုတဲ့ လူမှုဒဿနဆိုင်ရာ ပုစ္ဆာတစ်ပုဒ်ကို အာကာသစွန့်စားခန်းတွေနဲ့ ရောယှက်ရိုက်ကူးထားပြီ 2021 မှာထွက်ရှိခဲ့တဲ့ Director Joe Penna ရဲ့လက်ရာ Stowaway ဟာ ကြည့်ရှူသူကိုပါ ပြဿနာထဲ ဆွဲခေါ်သွားပြီး အတ္တနဲ့ဆင်ခြင်တုံတရားကို အလုပ်များစေနိုင်မယ့် Science thriller drama ဇတ်ကားကောင်းတစ်ခု ဖြစ်ပါကြောင်း။