အတိတ်မေ့ပါ

 

“အတိတ်မေ့ပါ”

~~~

တချို့ အတိတ်တွေက 

ဘဝအတွက် အဓိပ္ပါယ် ရှိပေမယ့်

တချို့အတိတ်တွေက

ဘဝကို နစ်မွန်းစေတတ်တယ်။

သင့်ဖြတ်သန်းခဲ့တဲ့ အတိတ်တွေက 

ကောင်းသည်ဖြစ်စေ ဆိုးသည်ဖြစ်စေ

အတိတ်ကို အတိတ်မှာပဲထား

အတိတ်က အနာဂတ်အတွက် 

ဘာကောင်းကျိုးမှ ပေးမှာ မဟုတ်ဘူး

လက်ရှိ ပစ္စုပ္ပန်ကြိုးစားမှုကပဲ 

သင့် အနာဂတ်အတွက်

ကောင်းကျိုးပြုပေးနိုင်လိမ့်မယ်။

ဒါကြောင့် အတိတ်မှန်သမျှ မေ့ထားပြီး

လက်ရှိပစ္စပ္ပန်ကိုပဲ အာရုံစိုက်ပါ

အကောင်းဆုံး ကြိုးစားဖြတ်သန်းပါ။

အတိတ်က ညံ့ဖျင်းမှုကြောင့်

လက်ရှိပစ္စုပ္ပန်မှာ ချွတ်ယွင်းချက်ဖြစ်ရတာကို

သင်္ခန်းစာကောင်းတစ်ခုအနေနဲ့ ယူပါ။

အောင်မြင်ချင်တဲ့သူအတွက် အတိတ်ဆိုတာ 

ကောင်းသည်ဖြစ်စေ ဆိုးသည်ဖြစ်စေ

အရေးမပါတော့ဘူး

ပစ္စုပ္ပန်ကသာ အဓိကကျတယ်။

အနာဂတ်လှဖို့အတွက်ဆိုလျှင်

လက်ရှိပစ္စုပ္ပန်ကာလကို အကောင်းဆုံးဖြတ်သန်းပြီး

မလိုလားအပ်တဲ့ စိတ်ဓါတ်ကျမှုတွေ မဖြစ်ဖို့

သုံးစားလို့မရတော့တဲ့ အတိတ်တွေကို မေ့ပစ်ရမယ်။

သင့် အနာဂတ် လှပချင်တယ်မလား?

ဒါဆို အတိတ်ကို မေ့လိုက်ပါ။

✍️လင်းစက်☀️