အရှုံး မရှိ တော်လှန်ရေး

 

“အရှုံး မရှိ တော်လှန်ရေး”

လက်တွေ့မကျသေးတဲ့ လွတ်လပ်ရေးအတွက်

လက်တွေကျတဲ့ ဒုက္ခတွေကို အံတုပြီး

လက်တွေ့ကျကျ တော်လှန်နေကြသူတွေ ရှိသ၍

တော်လှန်ရေးက အသက်ဝင်နေဦးမှာပဲ။

ဒီပွဲ မင်းတို့ နိုင်မှာလား?

ဒါမှမဟုတ် ရှုံးမှာလား?တဲ့

အဲ့လို မေးလို့ ကျွန်တော် ဖြေပေးလိုက်ပါတယ်။

‘အရှုံးမပေးတဲ့သူအတွက် 

အရှုံးဆိုတာ ရှိကို မရှိဘူး၊

ငါတို့တော်လှန်ရေး လုပ်နေတာက

အရှုံးပေးဖို့ မဟုတ်၊ 

မနိုင်မချင်းတိုက်မှာ၊

တော်လှန်တယ်ဆိုတာ

အနိုင်ယူဖို့ တော်လှန်တာ၊ ဒါကြောင့်

ဒီပွဲ ငါတို့ ရှုံးစရာအကြောင်း 

သံသယလေးတောင် မရှိ

ရှုံးနိုင်စရာ စိုးစဉ်းမျှ မရှိ’

                     ✍️လင်းစက်☀️